Hamiləliyin planlaşdırılmasında yardım edəcək yoxlama vərəqi

Bir çox cütlük özlərini ovulyasiya üçün "qoruyub saxlayır", çünki hesab edir ki, cinsi akt mayalanma üçün yalnız düzgün vaxtda effektiv olacaq. Bu, həqiqətən də belədir, lakin cinsi münasibətdə sadəcə təxmin olunan ovulyasiya vaxtı deyil, hər istədiyiniz vaxt olun.

Müntəzəm cinsi münasibət spermatozoidlərin hərəkətliliyini artırır, buna baxmayaraq, gündəlik cinsi aktlar zamanı (gündəlik eyakulyasiya zamanı) spermanın miqdarı və keyfiyyəti azalır.

Toxum hüceyrəsinin sağ qalma müddəti cəmi bir sutka təşkil edir, halbuki spermatozoidlər fallop borularında 5 günədək müddət ərzində sağ qalır (cinsi aktdan sonrakı hər növbəti gün spermanın sağ qalma qabiliyyəti aşağı düşür), buna görə 2-3 gündə bir dəfə cinsi akt optimaldır – bununla siz ovulyasiya zamanı mayalanma imkanlarını artıracaqsınız, sikliniz qeyri-müntəzəm olsa belə.

Cinsi münasibət pozalarının sadəcə bir hissəsinin mayalanma üçün uyğun olduğu barədə yayılmış fikrə baxmayaraq, əslində bu belə deyil.

Spermatozoidlər toxum hüceyrəsinə doğru sürətli hərəkət üçün xüsusi qamçılara malikdir, buna görə siz sizin üçün rahat olan istənilən pozada həzz ala bilərsiniz! Buna baxmayaraq, cinsi aktdan sonra bir neçə dəqiqə beliniz üstə uzanmağa və sakitləşməyə çalışın, spermanı cazibə qüvvəsinə qarşı işləməyə məcbur etməyin.

Partnyorunuza qasıq nahiyəsinin həddindən çox isinməsini (hamama getməni, qaynar vannaların qəbulunu, tez-tez velosiped sürməni, noutbuku dizləri üstə tutmaq vərdişini, habelə dar alt paltarı geyinməyi) istisna etməyi tövsiyə edin. Sperma üçün optimal temperatur bədən temperaturundan aşağıdır və +33-35 C təşkil edir, buna görə, tez-tez həddindən çox isinmə zamanı spermatozoidlər daha zəif hərəkət edir ki, bu da mayalanma ehtimallarını azaldır.

Tövsiyə nə qədər bayağı olsa da, cütlüklərin çoxu, bir neçə uğursuz mayalanma cəhdlərindən sonra, diqqətini tamamilə nəticəyə yönəldir, qrafiklə yaşayır və, nəticə olaraq, cinsi münasibətdən artıq həzz almır. Və bu böyük bir xətadır, çünki çoxsaylı tədqiqatlarla sübut edilmişdir ki, xoşbəxtlik hormonları hər iki partnyora yaxşı təsir göstərir və mayalanma ehtimallarını artırır.

Unutmayın ki, cütlüklərin çoxunda mayalanma il ərzində qorunmasız cinsi aktlar nəticəsində baş verir və yalnız daha uzun müddət ərzində baş verməyən hamiləlik problemin diaqnostikası üçün həkimə müraciət etməyə əsas hesab olunur.

Daha az əsəbiləşməyə çalışın, bir-birinizi sevin, hər gününüzdən həzz alaraq yaşayın. Biz əminik ki, sizdə hər şey alınacaq!

Hamilə qalmaq cəhdi barədə həkimlə söhbət edin. Həkim Sizə əhəmiyyətli tövsiyələr verə bilər, məsələn, tələb oluna biləcək analizlərlə, mayalanmayan təsir göstərə biləcək dərmanlarla əlaqədar olaraq. Hamiləliyin qarşısını alan dərman vasitələrindən istifadə edirsinizsə, onların qəbulunu dayandırmazdan öncə həkimlə məsləhətləşin.