Hamiləliyə hazırlıq zamanı öz reproduktiv siklinizi necə öyrənmək olar?
Menstrual sikl günlərinin təqvimdə qeyd edilməsi ən yüksək mayalanma ehtimalı olan dövrü müəyyən etməkdə və hamiləliyin baş verməsi ehtimallarını artırmaqda yardım edir.
Orqanizminiz hamiləliyə necə hazırlaşır
Hər ay yumurtalıqlardan birində toxum hüceyrəsi yetişir. Təxminən eyni vaxtda, uşaqlıq mayalanmaya hazırlaşır və uşaqlıq boynunun seliyi daha az qatı olur ki, bu da spermanın keçməsini asanlaşdırır. Ovulyasiya toxum hüceyrəsinin uşaqlıq boşluğuna çıxması deməkdir.
Toxum hüceyrəsi ovulyasiyadan sonra 24 saata qədər olan müddət ərzində mayalana bilər.
Toxum hüceyrəsi ovulyasiyadan sonra 24 saata qədər olan müddət ərzində, uşaqlığa doğru gedən fallop borusu ilə hərəkət zamanı mayalana bilər. Toxum hüceyrəsi spermatozoidlə uğurla mayalandıqda, uşaqlığın selikli qişasına yapışır, bundan sonra isə embrionun (gələcək körpənin) inkişafı başlayır.
Mayalanma üçün ən uyğun vaxt anlayışı
Mayalanma üçün ən uyğun vaxt və cinsi münasibət üçün ən yaxşı zaman ovulyasiyadan öncəki bir neçə gün və ovulyasiya günüdür.
Siz partnyorunuzla münasibəti ovulyasiya baş verənə qədər təxirə salırdınızsa, sperma vaxtında toxum hüceyrəsinə çatmaya da bilər və mayalanma baş verməyəcək. Sperma uşaqlıq boşluğunda bir neçə gün ərzində sağ qalır, yəni mayalanma ehtimallarının artırılması üçün ən ağıllı üsul cinsi münasibətdə planlaşdırılan ovulyasiyadan 1-2 gün əvvəl olmaqdır.
Ən yüksək fertillik fazası zamanı cinsi münasibət mayalanma ehtimalının artmasına səbəb ola bilər.
Ovulyasiyanın baş verməsini necə müəyyən etmək olar
Müxtəlif qadınlarda sikllər müxtəlif olur, buna görə, biz Sizə ovulyasiya tarixini müəyyən etməkdə yardım edəcək tətbiq hazırlamışıq. Ondan istifadə etmək üçün son menstruasiyanızın birinci gününü və Sizə xas menstrual sikl müddətini bilmək zəruridir (sikl menstruasiyanın 1-ci günündən növbəti menstruasiyanın 1-ci gününə qədər olan günlərin sayı deməkdir; sikl müntəzəm deyilsə, sikl tarixlərini bir neçə ay ərzində qeyd edin və orta qiymətləri hesablayın).
Ehtimal olunan ovulyasiya vaxtını bilərək, Siz hamiləliyin baş verməsi üçün partnyorunuzla münasibətin ən yaxşı vaxtını planlaşdıra bilərsiniz.
Mayalanma üçün daha uyğun vaxtı müəyyən edən digər əlamətlərə aşağıdakılar daxildir:
Uşaqlıq boynunun seliyinin xüsusiyyətinin dəyişməsi. Uşaqlıq boynu uşaqlığın uşaqlıq yoluna açılan dar aşağı hissəsidir. Uşaqlıq boynunun menstrual sikl ərzində əmələ gətirdiyi seliyin xüsusiyyəti, hormonların təsiri altında dəyişə və mayalanmaya səbəb ola bilər.
Ovulyasiyadan öncə (menstruasiyadan dərhal sonra). Çox az miqdarda selik əmələ gəlir və ya selik əmələ gəlmir. Selik qatı, yapışqan, ağ və ya şəffaf olacaq, uşaqlıq yolu quru qalacaq. Toxum hüceyrəsinə çatmaq üçün, spermaya selik lazım olduğuna görə bu mərhələdə hamiləliyin baş verməsi ehtimalı azdır.
Ovulyasiyadan bir gün əvvəl. Seliyin əmələ gəlməsi artır, selik krem- ağ və ya krem rəngi əldə edir, uşaqlıq yolunda nəmlik hiss olunur. Bu zaman hamiləliyin baş verməsi ehtimalı daha yüksək olur.
Ovulyasiya dövründə. Selik daha az qatı, şəffaf və çox dartılan (içi yumurtanın ağı kimi) olur, uşaqlıq yolunda nəmlik hiss olunur. Bu dövrdə hamiləliyin baş verməsi ehtimalı maksimal olur.
Ovulyasiyadan sonra. Selik yenidən qatı və yapışqan olacaq, uşaqlıq yolu quru qalacaq. Mayalanma ehtimalı azalmağa başlayacaq.
Bədənin bazal temperaturunun yüksəlməsi. Bədənin bazal temperaturu bədənin sakitlik vəziyyətindəki temperaturudur. Bazal temperaturun bir neçə gün ərzində qeydə alınması ovulyasiya vaxtının daha dəqiq proqnozuna səbəb ola bilər. Ovulyasiya adətən ən azı 3 gün ərzində düşməyən temperatur qalxmasının əvvəlində baş verir. Hava temperaturu dəyişiklikləri, səyahətlər, günün vaxtı, pəhriz, iş saatları və yuxunun davam etdiyi müddət bədən temperaturuna təsirini göstərir.
Dəqiq məlumatların əldə olunması üçün ən yaxşısı temperaturu hər səhər, eyni vaxtda, yataqdan qalxmazdan öncə, fertil və ya rəqəmsal termometr vasitəsilə ölçməkdir.
Qarında ağrılar. Qarındakı istənilən ağrılara diqqət yetirməyə çalışın, çünki yüngül kəsilməyən ağrı ovulyasiya əlaməti ola bilər.
Menstruasiyaöncəsi simptomlar. Ovulyasiya dövründə Sizdə tipik menstruasiyaöncəsi simptomlar əmələ gələ bilər, məsələn, süd vəzilərinin böyüməsi, döşdə ağrılar, qarın şişkinliyi və ya əhval-ruhiyyənin dəyişməsi.
Bu vaxtdan birlikdə həzz alın
Qoy mayalanma Sizin üçün həzzə çevrilsin!
Uşaq dünyaya gətirmək qərarına gəlməklə, Siz həyəcan və sevgi dövrünü yaşayırsınız. Partnyorla münasibətləri qrafik üzrə etdiyiniz həzz almaqdan uzaq olan hərəkətlərə çevirməyin. Rahat olun və intim anlardan birlikdə həzz alın.
Mayalanma haqqında ümumi suallar
Yaş mayalanma qabiliyyətinə təsir göstərirmi? Bəli, toxum hüceyrələrinin keyfiyyəti və ovulyasiyanın xüsusiyyətləri Sizin yaşınızdan asılıdır. Ən yüksək fertillik 20 yaşdan 30 və bir az çox yaşadək olan qadınlara xasdır. Yaş həmçinin spermanın keyfiyyətinə və miqdarına öz təsirini göstərir. Hamilə qalmaq üçün nə qədər vaxt lazım olacaq? Cütlüklərin yarısında hamiləlik 2-3 ay ərzində, 85 % halda isə – 1 il ərzində baş verir. 1,2 Lakin, başa düşmək lazımdır ki, bütün cütlüklər fərqli olur. Ən yaxşısı rahat olmaq və hamilə qalmaq məsələsinə sakit yanaşmaqdır, çünki stress hamiləliyin baş verməsinə xoş mühit yaratmır. Hamiləlik baş vermirsə, nə etmək lazımdır? Hər şeyi düzgün etdiyiniz halda, 6 ay ərzində hamiləlik baş vermirsə, məsləhət üçün həkimə müraciət edin.
Источники информации:
- Энциклопедия здоровья NHS Direct: Бесплодие; Введение. Информация доступна по ссылке: http://www.nhsdirect.wales.nhs.uk/encyclopaedia/i/article/infertility/
- SCRC. Привычное невынашивание беременности.
